O alumnado de 5º A iniciou con éxito correspondencia escolar en inglés con unha escola francesa.

O Colexio Luis Pimentel, enclavado na zona alta da cidade de Lugo, exactamente no barrio de A Piringalla, comezou a funcionar no mes de setembro do ano 1979. No recinto escolar había, como agora, tres edificios. Un deles, ao que sempre chamamos “prefabricado”, foi o único que albergou, ata o mes de febreiro do ano oitenta, a todos os alumnos matriculados, xa que os outros edificios estaban sen amañar.

No primeiro claustro decidiuse, despois dunha proposta do profesor Paco Martín, darlle ao centro o nome de “Luis Pimentel”, en recordo do gran poeta lucense. A proposta foi refrendada polas autoridades competentes.

Nestes cerca de trinta anos de vida, polo colexio desfilaron multitude de rapaces e rapazas. Sempre houbo moitos nenos e nenas nas aulas. Hoxe é o centro de primaria con máis alumnado de toda a provincia de Lugo. Ten liña tres, tres cursos por nivel, desde educación infantil ata o último curso de primaria.

O próximo día 13 de Febreiro e co gallo do 50 aniversario do seu pasamento o colexio ofrecerá unha pequena homenaxe ao escritor lucense Luís Pimentel.

Ese día despregarase na entrada do colexio unha tea coa imaxe do escritor e algún dos seus poemas que permanecerá exposta todo o ano, e os alumnos farán unha breve reseña da súa biografía e da súa obra e lerán algúns dos seus poemas.

A semana cultural que todos os anos celebramos no mes de Maio este ano estará dedicada a Luís Pimentel.