Boas.

De todos é ben sabido que os trasnos conviven cos humanos dende tempos inmemoriais.

Eles son os que agochan esa chea de cousas que sempre perdemos e ás que nunca damos importancia ata que nos fan falla.

Pode que o que aquí atopes non che serva para nada.

Ou sí.

Nunca se sabe.

Ou pode que recoñezas algo coma teu. Nese caso non dubides en reclamalo.

Calquera trasno que se precie recoñece que todo o que ten no seu baúl non lle pertence.

Así que, si me deixades, irei amosando cousas das que o meu trasno favorito leva metidas no seu baúl.

Ata sempre.

Saudiños