Dicía K. Oushinsky: "Se a escola canta, todo o pobo cantará" e o noso refraneiro popular que non ten desperdicio di: "Quen só sabe unha canción non ten perdón".

E nós que estamos moi dacordo con ámbalas dúas frases, queremos cantar e que todos e todas ó achegarvos a esta ventaniña podades ver e tamén quizás máis adiante escoitar e compartir connosco algunha das cancións que cantará a escola.

Como estamos a punto de celebrar o día da paz, aí vai unha cantiga con texto de Neira Vilas e que cantarán os nenos e nenas de segundo ciclo.

CANTARELA DOS NENOS

Amiguiños todos, amiguiños xa,
os nenos de aquí e os nenos de alá.

Os nenos do mundo, todos a cantar
a unha mesma voz, collidos da man.

Cantarela nosa de amor e de paz,
sen penchas nin odios, sen falsa irmandá.

Rolda de sorrisos dende mar a mar,
corazóns abertos, ollos de amistar

Amiguiños todos, amiguiños xa,
os nenos de aquí e os nenos de alá.

Os nenos do mundo, todos a cantar
a unha mesma voz, collidos da man.